12 usuarios de Amicos menores de 30 anos participan nun curso que os capacita para traballar en actividades auxiliares de viveiros, xardíns e centros de xardinería. Os estudantes estarán recibindo formación remunerada mediante bolsas até o 14 de novembro. O director xeral de Inclusión Social, Arturo Parrado, acudiu hoxe á presentación do curso de formación “Actividades auxiliares en viveiros, xardíns e centros de xardinería” no Centro de Atención Integral Amicos de Boiro. Na inauguración tamen estiveron presentes, a Directora territorial de Inserta-F. Once Galicia, Menchu Iglesias, o Concelleiro de Medio Rural, do concello de Boiro, Diego Santamaria Vila e o director de Amicos, Xoan España.
O programa busca a inserción laboral destes mozos e mozas con discapacidade da comarca do Barbanza e Noia e conta coa colaboración e investimento do FSC Inserta e do Fondo Social Europeo.
Arturo Parrado sinalou que dende a Consellería de Política Social “apoiamos todo tipo de iniciativas e actividades formativas que, coma esta, teñen por finalidade mellorar a formación das persoas con discapacidade e aumentar as súas posibilidades de inserción laboral”. O director xeral engadiu que a Xunta de Galicia desenvolve políticas transversais e coordina numerosos recursos no ámbito social tendentes, todos eles, a facilitar a igualdade de oportunidades de todos os galegos e galegas.
Este curso está financiado por INSERTA, Fundación ONCE, e polo Fondo Social Europeo.
Dende a directiva de Amicos agradecen a implicacións da fundación Once e Inserta grazas os cales se imparte esta formación. Agardan que o alumnado que complete con éxito o ciclo e logre a súa incorporación o mundo laboral.
https://www.youtube.com/watch?v=mSO6ZloloRs
