Dúas mulleres resultaron feridas de carácter aparentemente leve nun accidente que se rexistrou esta mañá en Runs, no concello de Boiro. O accidente acontecía as 10:45 da mañá, cando un vehículo trataba de acceder a estrada de Runs e colisionaba con outro turismo que baixaba dirección Boiro pola estrada de Runs. Dende o 112 deron aviso ós Bombeiros de Boiro, a Garda civil de Tráfico e unha ambulancia do 061.
Ó parecer a falta de visibilidade puido ser a causa da colisión, xa que o millo de medio metro de altura prantado na finca que linda con ambas estradas impedía a visibilidade.
Como resultado da colisión dúas mulleres resultaron feridas leves, con fortes dores nas cervicais, polo que foron trasladadas por unha ambulancia do 061 ata o hospital do Barbanza. Trátase de J.P.S. de 73 años e M.T.L. de 15 anos, ambas veciñas de Pazo de Coroño.
Veciños e conductores consideran que a colocación dun espello neste lugar facilitaría a visibilidade no acceso dos vehículos á estrada.
https://www.youtube.com/watch?v=_XRl0sxW0Zc
