Crime e misterio danse a man en Noia esta fin de semana. Chega o primeiro Congreso Internacional de Crime e Misterio organizado polo centro de formación do Instituto Internacional de Criminalística Aplicada.
A cita conta cun elenco de expertos de todas partes do mundo, analistas de diversas materias de criminoloxía, misterio, psicoloxía, historia ou literatura. Así, destacan figuras como Teresa Carballeira, Luis Rogchategui, Natalia Monje ou o coronel Cámara que falará sobre o caso Manises, un dos incidentes de avistamento de ovnis máis famoso de España.


