A nova campaña da DGT, pretende ser de control e vixilancia para contribuír a reducir as condutas que implican comportamentos de risco nestes tramos. Así o explicou a subdelegada en A Coruña, María Rivas esta mañá na súa visita a Oleiros, na Coruña.
A subdelegada incidiu en que a conservación das estradas e as melloras que realiza o Goberno leva a realizar obras que poden afectar o tráfico. Para garantir a seguridade de todos os usuarios e usuarias da vía, en especial das persoas que traballan nas obras, a DGT instala sinalización específica, sobre a que detecta un alto nivel de incumprimento.

