A comunidade galega pechou setembro coa segunda cifra de paro máis baixa de toda a serie histórica, que se remonta a 1996, nese mes. A conselleira de Promoción do Emprego e Igualdade, María Jesús Lorenzana, fixo hoxe na Coruña unha valoración dos datos do paro rexistrado na que destacou que o desemprego baixou en Galicia no último ano nun -5,84%. O paro caeu nas principais variables: nas catro provincias galegas e nas sete grandes cidades; e en todos os sectores económicos liderando o descenso por sexto mes consecutivo a industria.
GALICIA REXISTROU EN SETEMBRO A SEGUNDA CIFRA DE PARO MÁIS BAIXO DA SERIE HISTÓRICA NESTE MES.

