A conselleira do Mar, Rosa Quintana, expuxo no Parlamento de Galicia que o veto á pesca de fondo aprobado por Bruxelas en preto dun cento de áreas de augas comunitarias tería un impacto de ata 816 millóns de euros na economía galega. A titular de Mar salientou que esta estimación, realizada en base ás Táboas Input-Output da Pesca-Conserva Galegas 2019, mostra que esa prohibición da actividade pesqueira provocaría o colapso de moitas outras actividades marítimo-pesqueiras e da cadea mar-industria, ben pola caída loxística, o arrastre comercial ou a perda de demanda de bens.
A CONSELLEIRA DO MAR PUXO EN DATOS O IMPACTO QUE TERÁ O VETO Á PESCA DE FONDO

