A conselleira do Medio Rural, Ángeles Vázquez, e o director xeral de Política de Defensa do Ministerio de Defensa, Almirante Juan Francisco Martínez Núñez, asinaron esta mañá en San Caetano un convenio de colaboración. O obxectivo é reforzar a vixilancia nos montes galegos durante a tempada de alto risco de incendios forestais.
Pretenden así disuadir e reducir a actividade incendiaria mediante a incorporación de 25 patrullas terrestres e un equipo de mantemento móbil do Exército. Deste xeito contribúese a mellorar a seguridade das persoas e os bens, así como a defender a riqueza forestal de Galicia.
Resulta preciso sinalar que en situación de risco alto ou moi alto, o Ministerio de Defensa poderá despregar ata 75 patrullas e 2 helicópteros de vixilancia no conxunto de Galicia. Ditas patrullas estarán compostas por militares sobre vehículo e, incluso, cabe a posibilidade de despregar dispositivos aéreos tripulados a distancia. Isto permitirá realizar os labores de vixilancia de incendios de forma eficiente, segura e económica.
Todo o persoal despregado polo Ministerio de Defensa sumarase ao dispositivo de loita contra incendios, o cal acada os 7.000 efectivos despregados nos montes galegos en tempada de alto risco.
https://www.youtube.com/watch?v=4zHANkJOa_0
