O edificio do Viveiro de Empresas de Ribeira acollerá a celebración dun curso gratuíto para mozos e mozas sobre inglés de negocios titulado «English for Work and Business». Esta iniciativa terá lugar dende o 19 de setembro ata o 24 de outubro en horario de 09:00 da mañá a 14:00 da tarde. Como único requisito cómpre ser beneficiario do Sistema Nacional de Garantía Xuvenil. É dicir, ter menos de 30 anos, non estudar e non traballar.
O curso constará por unha banda de formación troncal como empregabilidade e habilidades, competencias dixitais para a busca de emprego 2.0 e inglés para busca de emprego; e, pola outra, de formación específica como é English for Work & Business.
O prazo de inscrición estará aberto ata o vindeiro 31 de agosto. Así mesmo, cómpre que as solicitudes sexan presentadas na Oficina de Atención Cidadá da Casa do Concello.
https://www.youtube.com/watch?v=PiSwq_9SHuo