A Romaría pola Diversidade, organizada pola asociación AMBAR, celebrouse por segundo ano consecutivo en Ribeira.
A cita comezou a primeira hora da mañá coa Carreira pola Diversidade. Nela participaron ao redor dun centanar e medio de corredores de tódalas idades. Na competición compartían asfalto atletas en silla de rodas, a pé ou en handbike, bicicletas propulsadas coas mans. Na categoría zapatilla chegou primeiro Javier Regueiro; en silla, Álvaro Illobre e Nuria López; e en handbike, Álex Ferradás e Milagros López Vernet.
Tamén se procedeu á realización dun sorteo no que se atopaban bicicletas infantiles, mp3, unha clase de surf, paquetes de libros, camisetas e moito máis.
O vento dificultou a carreira e obrigou á organización a trasladar algunhas das actividades previstas ao aire libre ao interior da carpa instalada na explanada do CIFP Coroso. Alí os asistentes compartiron xogos, actuacións e actividades.
Máis dunha vintena de membros da asociación participaron na organización do evento, os cales contaron coa axuda de voluntarios de Golfiños.
Unha cita na que desfrutaron todos os asistentes.
