O centro social de Boiro acolleu esta mañá o acto de entrega de diplomas ós 48 maiores que participaron nos cursos de novas tecnoloxías postos en marcha polos concellos.O Alcalde Juan José Dieste Ortigueira acompañado do responsable da Aula CeMIT de Boiro, Samuel Rodríguez, foron os encargados de despedir ós participantes dos cursos impartidos este ano. O alcalde destacou a importancia de adaptarse ás novas tecnoloxías.
O responsable da aula Cemit agradeceu a implicación dos alumnos e alumnas ós que convidou a anotarse nos próximos cursos que se van impartir a partir de outubro.
A partir do 1 de setembro todas aquelas persoas interesadas en participar nesta actividade poderá inscribirse nas instalacións do Centro Social de Boiro. Para solicitar máis información sobre as citadas actividades (horarios, datas e contidos) poden dirixirse á Aula CeMIT de Boiro sita no Centro Social de Boiro ou chamar ao teléfono 981842635.
