O Hospital do Barbanza reforzará as urxencias durante o verán, así o explicou o Xerente da Xerencia da Xestión Integrada de Santiago, Luís Verde Remeseiro, durante a visita que realizou á Exposición 1991-2016 Sanidade Pública, instalada na entrada principal do Hospital da Barbanza. A mostra está dentro do marco conmemorativo do 25 aniversario da transferencia de competencias sanitarias á Xunta de Galicia.
Verde Remeseiro explicou ademais que o peche durante o verán do ambulatorio de Cabo de Cruz, e o ambulatorio de Porto do son durante as tardes, non vai repercutir na asistencia que se ofrece ós veciños da zona, xa que son medidas que se veñen tomando durante unha década logo de analizar o número de consultas nos centros, así e todo faise de maneira coordinada para intentar dar asistencia dentro do mesmo concello.
