Boa xornada para os equipos do Barbanza na Primeira autonómica, con 3 vitorias e un empate. Por un lado, o Taragoña conseguiu o seu primeiro triunfo ligueiro diante do Cruces, na Lomba (4-3). Diego Collazo cun doblete, Alberto Laíño e Manuel González no último minuto, desequilibraron o marcador a favor dos rianxeiros, que saen por primeira vez en toda a tempada do último posto da táboa con 8 puntos.
Doutra banda, o Unión segue súa xeira de triunfos e venceu na súa visita a un campo complexo, como o da Agolada por 1-2. Dous tantos de Conde e Jorge nos primeiros 25 minutos deixaron encarrilado o encontro para os de Asados. Xusto antes do descanso os de Agolada puxeron o definitivo 1-2. Con este triunfo, o cadro de Luisito vólvese a meter nos postos de promoción como terceiro clasificado con 25 puntos.
O único equipo da comarca que non puido sacar os tres puntos foi o Cidade de Ribeira, que non foi quen de pasar do empate sen goles fronte ao Praíña. Os visitantes plantexaron un encontro lento e coa intención de sumar na Fieiteira, e lográrono. Nos últimos minutos puido caer a vitoria tanto para un lado como para outro. Os de Manuel Ángel son líderes con 30 puntos.
No Grupo da Costa o Volantes de Baño sumou un importante triunfo na casa do Corme (2-3). Os muradáns remontaron dous tantos de desvantaxe para vencer e poñerse sextos con 16 puntos, a 3 da promoción de ascenso.
