O Berberecho Noia sumou unha vitoria clave nos últimos segundos do encontro fronte ao Basket de Gaia (61-60). Unha boa defensa na última xogada do partido permitiu aos de Jesu Souto gañar e distanciarse dos últimos postos da clasificación.
Comezaron o partido os locais dominando na pintura e anotando con facilidade, logrando vantaxes de máis de dez puntos.Pero a partir do segundo cuarto a dinámica do partido cambiou a favor dos visitantes. Mudaron a súa defensa e foron quenes de frear a ofensiva dos noieses, chegando ao descanso 29 a 22.
Tralo obrigado descanso, os berberechos melloraron o seu ataque, pero en defensa non foron quen de frear o acerto do Gaia que seguían reducindo a desvantaxe no marcador. No último cuarto do partido chegaría a remontada para os portugueses e a maiores conseguirían seis puntos de vantaxe, pero a reacción dos locais chegaría con dúas triplas e un par de boas defensas, poñéndose a un punto con 34 segundos para o final. Unha gran defensa permitiu aos locais ter unha posesión para adiantarse e non fallaron, quedaban 2 segundos e posesión para os visitantes que non puideron facer un tiro cómodo. Finalmente vitoria foi para os noieses, que collen aire na súa loita pola permanencia.
