Emprego Blinda A Xubilación Aos 61 Anos En 2.400 Empresas Galegas

O cambio de criterio aplicado pola Seguridade Social, que impide agora a miles de parados maiores de 55 anos xubilarse aos 61 no caso de que teñan subscrito convenios especiais polos que seguen cotizando pola súa conta para a súa pensión, non afectará aos traballadores de 30.845 empresas que blindaron o acceso das súas plantillas á xubilación anticipada ou parcial nas condicións máis vantaxosas previas ás últimas reformas do sistema de pensións.
Trátase de firmas que contan cun acordo expresamente recollido no seu convenio colectivo para tal fin (a maioría) ou aquelas que pactaran un expediente de regulación de emprego ou nas que se acordaron despedimentos no marco dun concurso de acredores con anterioridade a abril do 2013. Nestes casos, e sempre que as respectivas resolucións se comunicasen en tempo e forma á Seguridade Social, habilitábase un período transitorio ata o 31 de decembro do 2018 para que os traballadores afectados por estas medidas poidan seguir xubilándose aos 61 cun mínimo de 30 anos cotizados e cuns coeficientes reductores máis benévolos que os fixados na nova normativa.
http://youtu.be/q7_r4PyhcoY