O ano 2021 pechou en Galicia marcado pola recuperación do mercado laboral. Así o destacou hoxe a directora xeral de Formación e Colocación, Zeltia Lado, quen sinalou que o número de parados, que é de 152.584, continúa a niveis precovid-19 e é a cifra máis baixa nun mes de decembro de toda a serie histórica de datos, que se remonta ao 1996. Respecto ao inicio da pandemia (febreiro 2020), o desemprego reduciuse nun -8,21%, un ritmo de baixada que case duplica ao do Estado (-4,32%).
