Finalizou a cuarta proba do circuíto de golf Barbanza Arousa 2021 dedicada ao Concello de Ribeira.
Daniel Varela, pertencente ao Concello de Rianxo impúxose na categoría Absoluta cun gran resultado de 8 golpes por baixo do par do campo. O campión en categoría Hándicap, cun magnífico resultado de 46 puntos, foi, desde Rianxo, Manuel Godón. En categoría Senior, a campioa, con outro gran resultado de 44 puntos, a santiaguesa Vitoria Martinez da Lama-Noriega.
Na categoría Feminina, pertencente ao Concello de Muros, repite vitoria María Balayo con 44 puntos. En categoría Junior, o campión, con 41 puntos, foi Jorge Docabo, do Concello de Rianxo.
