Un rival idóneo para un dos momentos máis complicados da tempada para o CD Boiro. Os boirenses enfróntanse ao Vista Alegre, colista da Preferente con 0 puntos, 0 goles a favor e 22 en contra. A priori os de Barraña deberían conseguir a súa terceira vitoria da tempada, e con ela reengancharse aos postos altos da táboa. Tres xornadas sen perder son as que levan os brancos, un empate no Pino, un triunfo pola mínima contra o Boimorto na casa e un punto en Dubra, eses son os tres últimos resultados dun Boiro que de gañar meteríase na loita de novo. O encontro terá lugar o domingo a partir das 16:30 horas no Municipal de Barraña.
