O AUDITORIO DE RIBEIRA ACOLLEU A OBRA ARTÍSTICA DE AMBAR “AS PAISAXES DE CAMILLE”.

A Asociación Ambar das persoas con diversidade funcional escenficiou no día de hoxe en Ribeira a performance «As paisaxes de Camille», que explora a contención, a rabia, a delicadeza e a sororidade,
atravesando a imaxinaría escultórica e a vida de Camille Claude, con poemas paisaxísticos, coreografía e humor onírico. A obra é producida por Ambar, conta coa dirección artística da creadora escénica Helena Salgueiro e o axudante de dirección Miguel Gendre de ABAR. E co grupo de artes escénicas de Ambar composto integramente por mulleres con diversidade funcional: Noelia Argibay, Ángeles Devesa, Marina Mondelo, Conchita Mouriño, Carmen Pérez, Olaia Pérez, Montse Queiruga e Mercedes Río que escenifican a peza. Numerosas persoas se deron cita na mañá de hoxe no Auditorio de Ribeira para presenciar esta actuación. No día de mañá a peza chegará á Pobra, a partir das 20:00 horas.