NA PRIMEIRA AUTONÓMICA O UNIÓN GOLEOU NO DERBI AO TARAGOÑA (5-0)

Incontestable triunfo dos de Asados ao Taragoña nun derbi que estivo tintado de cor vermella desde o primeiro minuto. Aínda que foi o Taragoña quen nos primeiros intres se atopou máis cómodo, os de Luisito sentenciaron o encontro na primeira metade. Ismael cun doblete e Conde poñían o 3-0 para os de Asados. Na segunda metade foron os visitantes quenes, por obrigación, comezaron a atacar con máis intención, na busca do gol da reacción. Pero o Unión segue moi solvente na parte de atrás e apenas recibiu ocasións. Nos minutos finais, Dani Silva cun doblete completou a goleada. Con este resultado, o Unión sitúase líder en solitario con 13 puntos. A vindeira xornada visitará ao Cidade de Ribeira. O Taragoña mantense na penúltima posición con 2 puntos e recibirá ao Lalín.