O CLUB BALONCESTO NOIA VISITA A PISTA DO SIGALTEC. EN CASO DE GAÑAR, OS DE JESU SOUTO LOGRARÍAN A SÚA SEGUNDA VITORIA CONSECUTIVA

O Berberecho Noia xogará esta fin de semana contra o Sigaltec de novo. Logo de que a semana pasada os noieses venceran aos de Vilagarcía por un axustado 63-57, ambos conxuntos voltarán a enfrontarse mañá sábado as 18:30 horas. Se ben o encontro da xornada anterior foi axustado e decidiuse no último cuarto cun gran Santi que sumou 20 puntos en 26 minutos, o duelo de mañá prevse aínda máis interesante se cabe. Xa que en caso de que os noieses gañen, subirían varios postos na clasificación que lles permitiría afrontar as seguintes xornadas con máis calma e moral.