Continúa o fútbol na Primeira Autonómica, onde os equipos da comarca van collendo ritmo e forma. No grupo 2A o Cidade de Ribeira empatou na casa fronte ao Cordeiro (1-1) logo dun frouxo partido dos de Manuel Ángel.
Os de Santa Uxía comezaron cun ritmo lento e con moitas imprecisións no pase, o que provocoou que os de Valga gozaran dalgún acercamento perigosos a través das cabalgadas de Samuel Castro, o home máis mellor do partido. Un erro na comunicación entre a defensa provocou que un rexeite quedase morto no área, que non desaproveitou Jonathan Vieites par adiantar aos visitantes no minuto 12. O Cidade de Ribeira seguía co seu estilo caracterizado polo bo trato de balón, pero desta vez cunha circulación moi lenta e sin conectar cos homes de arriba. Aínda así, un centro de Xenxo ao segundo pau que o porteiro do Cordeiro errou, fixo que Anthony en boca de gol empatara preto da media hora o encontro. Aguado estivo a punto de poñer o 2-1 pero seu disparo foi taponado polo gardarredes visitante.
