O CONCELLO DE BOIRO CONTINÚA CO OUTONO CULTURAL. MALASOMBRA PRODUCIÓNS REPRESENTARÁ NO MUNICIPIO A SÚA OBRA BERNARDA

O outono cultural segue traendo novos espectáculos no concello de Boiro. A casa da Cultura local será o lugar elixido no que se representará a obra “Bernarda”. É unha representación teatral realizada por Malasombra Producións para un público adulto. É un texto orixinal de José Prieto inspirado en “La Casa de Bernarda Alba” do que recolle o conflito principal para falar da vida de dúas xeracións de mulleres galegas durante a transición española.