O ALCALDE DE RIANXO RECLAMA UN ACORDO COA XUNTA PARA QUE O PAZO DE RIANXIÑO SE CONVERTA EN CENTRO DE DÍA. O CONCELLO RIANXEIRO DESCARTA CALQUERA OUTRA OPCIÓN PARA EQUIPAR O ESPAZO

Continúan as negociacións entre o Concello de Rianxo e a Xunta de Galicia para executar as obras correspondentes no Pazo de Rianxiño. O 27 de maio do 2018, o concello adquiriu a infraestrutura por 1,6 millóns de euros para poñela á disposición da Xunta e activar alí un servizo para maiores. 3 anos despois, as axudas das que se falaran aínda non chegaron. A conselleira de Política Social explicou que estaba disposta a falar co alcalde de Rianxo para seguir colaborando con tódolos concellos da contorna.