A pegada castrexa no Barbanza, o pasado no municipio no relativo á industria conserveira ou a biografía de varios pobrenses foron algunhas das cuestións sobre as que versou a cuarta edición de A Pobra do caramiñal no Tempo, as xornadas de divulgación sobre a historia e cultura pobrense. A primeira das catro conferencias que se levaron a cabo no teatro cine Elma, foi da man de Esperanza Mariño Dávila, cun relatorio da singular vida e obra do pobrense Paz Míguez.