BOIRO E A POBRA CONTAN ESTA SEMANA CON NUMEROSOS ESPECTÁCULOS CULTURAIS

Os espectáculos culturais non se deteñen en Boiro nin na Pobra. O municipio boirense conta esta semana con sete actuacións. Mañá mércores ás 12 As do Mare representarán Rilo e Penadique no Lavadoiro de Bao. O xoves ás 12 o Coído acollerá Mariña, un espectáculo familiar de Raquel Quizás. O venres será a quenda do festival Paisaxes Sonoras, organizado pola mancomunidade Barzbanza Arousa, coa actuación de Heredeiros da Crus. Desenvolverase a partir das oito da tarde no muelle de Curvera de Cabo de Cruz. Ese mesmo día pero en Cespón representarase 100 anos de don Gelati. O sábado ás 11 a Banda de música Unión de Lantaño estará tocando na feira Ecolóxica. Unha hora despois no mesmo lugar será a quenda de Iseo a Moura que representará Se as árbores falaran. E para pechar a semana o Skate Park acollerá o sábado ás nove da noite o concerto de Los Secretos, organizado por A Pousada da Galicia.