Finalmente o Noia será anfitrión do 25 aniversario da Asociación Deportiva Nicrariense. O conxunto barbanzá recibirá no Julio Mato á SD Compostela da Segunda RFEF. Este será o terceiro amigable para o Noia, que xa xogou contra o Bergantiños, encontro que se saldou coa derrota dos brancos por 1-3, e fronte ó Praíña, partido que gañaron por 5-0. Son moitas as fichaxes que completou a directiva noiesa coa intención de formar un bloque que compita neste novo reto, e estes partidos son moi importantes para amoldar todas as pezas da plantilla.
