O Concello de Boiro anunciou tres novas acttividades para o Verán Cultural 2021. O mércores 4 de agosto ás 20:30 horas, a Praza da Agramuíña de Escarabote será o lugar de acollida para o espectáculo de clown “Aparvaolimpiadas”, unha obra na que MeRe Clown asume o papel dun amago de atleta que busca a ansiada medalla olímpica, e que logrará da forma máis ridícula posible. Clown, mimo, pantomima e slapstick estarán presentes nun sorprendente espectáculo.
