A brigada municipal de obras de ribeira mellora o PARQUE DOS MUÍÑOS

A Brigada Municipal de Obras do concello de Ribeira está a emprender unha acción de conservación e mellora do parque dos Muíños, unha das áreas recreativas máis castigadas polo vandalismo na cidade de Santa Uxía.

Varios operarios están a proceder estes días á reposición integral do valado do parque infantil: unha acción que estará acompañada doutras medidas, como a renovación do pavimento de caucho en mal estado ou a restauración dos xogos alí situados.

Ademais, a brigada vai proceder a realizar outras accións na contorna, como o vernizado dos bancos existentes ou o pintado de diversos elementos dispostos na praza.

Esta era unha actuación moi requirida pola veciñanza nunha zona que ten ademais unha gardería.

Related Posts

Load More Posts Loading...No more posts.