O deputado do BNG no congreso reúnese cos veciños de Ribeira para escoitar as súas demandas

O deputado do BNG no Congreso, Néstor Rego, participou o pasado xoves 15 de xullo nun encontro coa veciñanza da localidade de Ribeira para explicar a importancia para Galiza de ter voz propia en Madrid e a necesidade de acadar grupo parlamentar do BNG propio para seguir a defender os intereses das galegas e galegos. A protección do sector mar-industria, o futuro da frota pesqueira galega, a mellora das infraestruturas ferroviarias, as rebaixas da AP-9, o mantemento da industria ou o tema enerxético estiveron presentes no Congreso a través do BNG, así o afirmou Néstor Rego.