Os concellos de Ribeira e Porto do Son veñen de anunciar un novo obradoiro de emprego para os mozos en situación de desemprego e con idades comprendidas entre os 18 e os 29 anos. Estes serán os sextos obradoiros que organizan nesta lexislatura e estarán centrados na pavimentación e albanelería. Comezarán a desenvolverse no mes de agosto.
O obradoiro levará o nome de Serra do Barbanza e contará cunha duración de doce meses. Nese tempo 16 mozas e mozos poderán formarse en pavimentación e albanelería á vez que cobran un soldo. Os rapaces que se sumen á iniciativa traballarán en varios puntos das dúas localidades. No caso de Ribeira harán actuacións en dous puntos da localidade.
O alcalde de Ribeira sinala que un dos obxectivos que perseguen cos obradoiros é transmitir aos máis novos a importancia de comezar a cotizar o antes posible. Ademais destacou a resposta positiva dos mozos ante estas iniciativas.
Para poder apuntarse e optar a ser un dos 16 mozos e mozas que realicen o obradoiro hai que cumplir uns requisitos: ter entre 18 e 29 anos, estar en situación de desemprego e ter a ESO ou o nivel 2 de estudos.
