Os mellores deportistas de Ribeira foron distinguidos o venres na XI A Gala do Deporte de Riveira .
Nesta ocasión, a futura olimpista María Vilas Vidal, do Club Natación Riveira, e Pablo Lijó Santos, integrante do circuíto World Padel Tour que está reservado á elite do pádel Mundial, se erixiron nos mellores deportistas absolutos en categorías feminina e masculina, en tanto que o Natural Sport Videlgi repitiu como mellor club.
A Gala, de hora e media de duración, estivo conducida pola coñecida parella de cómicos Pedro Brandariz e Fran Rey quen provocaron as constantes gargalladas do público reunido co seu humor tan particular.
O acto comezou coa entrega de becas municipais a 16 deportistas do municipio para, a continuación, iniciar a cerimonia de entrega de premios tras as palabras introdutorias do concelleiro Anxo Orellán. O bloque tivo como protagonistas ás mencións especiais, que foron destinadas a Adrián Jiménez dos Santos (unha das maiores promesas do taekwondo local cuxa brillante carreira en competición tivo que ser truncada por problemas de saúde e agora principia unha nova carreira como adestrador), Ventura Mariño Paz “Tura” (persoa importante no fútbol local que destacou pola súa traxectoria primeiro como xogador e logo como adestrador en distintas categorías do Club Atlético Riveira) e Vicente Fernández García a título póstumo, quen fora director do colexio Bayón, un home entregado ao deporte base e ás diferentes manifestacións deportivas no noso concello (recolleu o galardón o seu fillo).
A gala finalizou como vén sendo tradicional coa intervención do alcalde Manuel Ruiz, quen achacou ao labor dos clubs e das familias o excelente estado de saúde que está a vivir en Riveira o mundo do deporte, destacando sobre todo á xesta de María Vilas ao clasificarse para os Xogos Olímpicos de Río, no que ten a esperanza de que se sume tamén a triplista Ana Peleteiro.
https://www.youtube.com/watch?v=GkvtpHaZURc
