20 noviembre, 2026

Galicia avanza no deseño de arrecifes artificiais para favorecer a protección dos ecosistemas mariños e a economía circular

A conselleira do Mar, Rosa Quintana, e a conselleira de Medio Ambiente, Territorio e Vivenda, Ángeles Vázquez, visitaron hoxe no Centro de Investigacións Tecnolóxicas do Campus Industrial de Ferrol o módulo de arrecife artificial adaptado á xeomorfoloxía dos fondos mariños galegos desenvolvido por investigadores da Universidade da Coruña e perfeccionado no marco dun convenio de colaboración coa Xunta. Con este proxecto, sinalaron ambas conselleiras, Galicia avanza no deseño de arrecifes artificiais para favorecer a protección dos ecosistemas mariños e a economía circular.
A mellora do deseño deste módulo de arrecife artificial enmárcase nunha colaboración iniciada en 2020 entre a Consellería de Medio Ambiente, Territorio e Vivenda, a Consellería do Mar e a Universidade da Coruña. A este labor a Xunta destinou 100.000 euros, o responsable das actividades deste proxecto é o investigador e profesor Luis Carral e nel participaron outros doce investigadores.
Na visita a conselleira do Mar puxo de relevo o valor dos arrecifes na protección e crecemento das especies mariñas, pois estas estruturas, sinalou, funcionan como refuxio de distintos recursos mariños.
A conselleira de Medio Ambiente, Territorio e Vivenda aproveitou esta presentación para recordar que Galicia avanza xa na senda de mudar do modelo produtivo lineal, baseado en usar e tirar, ao circular, onde se prima a reutilización, reciclaxe, recuperación.

Related posts

A COPA DO MUNDO DE FÚTBOL 2026 ESTÁ EN GALICIA

CloudyX

AS POLÍTICAS DE IGUALDADE CENTRARON O DEBATE NA SESIÓN DE CONTROL DO PARLAMENTO DE GALICIA

CloudyX

O PARLAMENTO DE GALICIA APROBOU A LEI DE EDUCACIÓN DIXITAL DE GALICIA

CloudyX