Un total de 433 corredores de toda Galicia participarán este domingo 17 de abril na segunda edición da carreira popular “Pilar Barreiro Senra”, que organiza o Concello de Lousame, en colaboración coa Xunta de Galicia e a Deputación da Coruña. Unha vez pechado o prazo de inscrición, este domingo correrán en Lousame un total de 433 corredores: 177 pertencentes ás categorías escolares (pitufos, prebenxamíns, alevíns e infantís) e 256 da categoría absoluta.
A praza Teodomiro Hidalgo converterase no epicentro do evento xa que será onde se entreguen os premios e onde tamén se celebre a primeira edición do Mercado Labrego e Artesán de Lousame, que reunirá unha vintena de postos con produtos do sector primario da comarca. As 9:00 horas terá lugar a apertura da recollida de dorsais. Praza Teodomiro Hidalgo e a partir da 10:30 darase inicio da II Carreira Popular “Pilar Barreiro Senra”. Benxamíns/alevíns.
O Concello de Lousame entregará medallas a todos os participantes das categorías pitufo, prebenxamín, benxamín e alevín (é dicir, aos menores de 11 anos) e trofeos para os tres primeiros homes e mulleres da carreira absoluta, outros tres trofeos para os gañadores de cada unha das nove categorías restantes (tanto para homes como para mulleres) e trofeos especiais aos participantes máis veteranos (tanto home como muller) e aos tres mellores atletas de Lousame na categoría absoluta. Ademais, todos os participantes serán agasallados cunha camiseta técnica conmemorativa da proba.
https://www.youtube.com/watch?v=pTxGO3CkRec
