Últimos días para anotarse na segunda carreira popular “Pilar Barreiro Senra” de Lousame, que conta con 220 inscritos

Últimos días para anotarse na II carreira popular “Pilar Barreiro Senra”, que terá lugar o vindiero domingo 17 de abril en Lousame sobre unha superficie de 10 quilómetros na súa categoría absoluta. O prazo de inscrición estará aberto ata o próximo martes 12 de abril a través da páxina www.emesports.es.

A día de hoxe están inscritos un total de 220 persoas, 82 escolares ( pitufos, prebenxamíns, benxamíns, alevíns, infantís e cadetes) e 138 adultos. As anotacións nas probas escolares (menores de 11 anos) son totalmente gratuítas; mentres que os demais atletas deberán aboar 10 euros. Unha inscrición que dá dereito a seguro de responsabilidade civil, seguro de accidentes, avituallamentos e outros servizos como vestiarios, duchas e agasallos conmemorativos.

O Concello de Lousame entregará medallas a todos os participantes menores de 11 anos. Tamén haberá trofeos para os tres primeiros homes e mulleres da carreira absoluta, outros tres trofeos para os gañadores de cada unha das nove categorías restantes (tanto para homes como para mulleres) e trofeos especiais aos participantes máis veteranos (tanto home como muller) e aos tres mellores atletas de Lousame na categoría absoluta. Os premios non serán acumulativos. Ademais, todos os participantes serán agasallados cunha camiseta técnica conmemorativa da proba.

A II Carreira Popular “Pilar Barreiro Senra” está organizada polo Concello de Lousame e conta coa colaboración da Xunta de Galicia e da Deputación da Coruña; así como co patrocinio de Autos Patiño e Plus Ultra Seguros.

Related Posts

Load More Posts Loading...No more posts.