A veda do polbo en Galicia comezará mañá e rematará o 5 de xullo de 2021. Así o especifica a resolución do plan experimental para a xestión desta especie para a campaña 2021/2022, que establece o período de veda do polbo para este ano entre as 16:00 horas de mañá, 30 de abril, ata as 05:00 horas do luns 5 de xullo. As capturas desembarcadas o 30 de abril poderán ser comercializadas tamén o 1 de maio naquelas lonxas nas que tradicionalmente se viñesen realizando vendas de polbo os sábados.
Mañá comeza a veda do polbo en Galicia e rematará o 5 de xullo

