A travesía de ORRO, en NOIA, será acondicionada para mellorar a seguridade viaria

A conselleira de Infraestruturas e Vivenda, Ethel Vázquez, avanzou hoxe a execución dunha senda peonil na travesía de Orro, destinada a incrementar a seguridade viaria na zona. Así o dixo a conselleira de Infraestruturas na xuntanza de traballo que hoxe mantivo co alcalde de Noia, Santiago Freire, e outros membros da corporación, coa fin de establecer canles de colaboración en beneficio dos veciños da vila.
O alcalde do municipio avanzaba a semana pasada a intención da Xunta de acondicionar o lugar e mellorar a súa iluminación.