O Centro Comercial Aberto Deán vén de promover, xunto co despacho de avogados Insua Vidal, un servizo gratuíto de asesoramento para estudar a existencia de cláusulas abusivas nos créditos hipotecarios das entidades financieiras.
Na presentación deste servizo, a Presidenta do Deán, Amparo Cerecedo, indicou que o tecido empresarial ten que recorrer con frecuencia ás entidades bancarias para financiar a súa actividade e, a miúdo, aceptando unhas condicións excesivas.
Por parte do despacho de avogados, o seu responsable, Miguel Ínsua, animou aos asociados do Deán en particular, e á cidadanía en xeral, a participar nesta iniciativa gratuíta para estudar a existencia ou non de cláusulas chan nas súas hipotecas. Os servizos aos que se terán acceso son a análise pormenorizada das escrituras de préstamo hipotecario, o estudo sobre a posibilidade de recuperar o diñeiro indebidamente percibido polas entidades finencieiras e a orientación xurídica sen compromiso algún. No caso de haber cláusulas chan, os importes percibidos indebidamente poden rondar, en termos medios, entre os 100 e os 500€/mensuais en función do capital prestado polo banco.
Miguel Ínsua afirmou que hai moitos titulares de créditos hipotecarios vítimas das cláusulas chan e que están pagando un importe indebido na súa hipoteca.
As persoas que desexen coñecer gratuitamente se teñen ou non cláusulas chan nos seus créditos hipotecarios, poden contactar coa Asociación do Pequeno Comercio da Pobra no teléfono 981 832 910 ou no enderezo electrónico ccadean@gmail.com.
https://www.youtube.com/watch?v=Iq2SYSLwdiA
