Icono del sitio CanalBarbanza.com

Fabiola García pide avanzar xunto ás persoas con autismo cara unha sociedade sen estereotipos

Fabiola García, pediu avanzar xunto ás persoas con autismo cara unha sociedade sen estereotipos durante a súa intervención nun acto organizado por Amicos en conmemoración do Día Mundial do Autismo. A cita, que tivo lugar esta mañá en Ribeira, ten como obxectivo visibilizar esta efemérides, que se celebra o venres, 2 de abril. A conselleira remarcou que en días coma esta faise máis necesario ca nunca amosarlle ao mundo do que son capaces as persoas con autismo. Neste sentido, agradeceu a Amicos a súa implicación todos os días do ano para darlle ás persoas con autismo e ás súas familias as ferramentas necesarias para o seu libre desenvolvemento e para gañar en autonomía.

Salir de la versión móvil