O conselleiro de Sanidade, Julio García Comesaña, informou está mañá en rolda de prensa da situación de estabilidade que reflicten os datos epidemiolóxicos de Galicia. Trala xuntanza do grupo de expertos que avalía a evolución da covid-19 en Galicia, o titular da carteira sanitaria da Xunta apuntou que “o descenso da curva de casos xa non amosa un descenso tan pronunciado como nas últimas semanas, polo que podemos falar dunha situación de meseta a nivel epidemiolóxico”.
Sanidade confirma a estabilización dos datos epidemiolóxicos de Galicia e apela a prudencia e a responsabilidade

