A Xunta de Galicia, a través da Consellería de Economía, Empresa e Innovación, abre hoxe o prazo para solicitar as axudas de autoconsumo dirixidas a particulares. En total resérvanse 2M€ para proxectos de fotovoltaica a través dunha convocatoria de concorrencia non competitiva. A contía dos apoios será dun 50% cun máximo de 25.000 euros por proxecto colectivo. Establécese unha axuda máxima por vivenda de 4000 euros que pode incrementarse ata os 5550 euros no caso de que se instalen baterías de litio. Agárdase mobilizar 4,5M€, aforrar 250.000 euros anuais, e 1750MWh ano, así como reducir as emisións en 600 toneladas de CO2 ao ano.
A Xunta abre o prazo de solicitude de axudas para fomentar o autoconsumo nos fogares galegos

