LOIS RODRÍGUEZ e ALBA BAAMONDE arrasan no TRAIL DE BEALO

Máis de 240 corredores invadiron a parroquia de Bealo para disputar a terceira proba das Arousa-Revolutrion Trail Series. Lois Rodríguez e Alba Baamonde foron os nomes propios da competición, xa que conseguiron terminar a carreira en primeira posición na categoría sénior.
En veteranos, Silvia Calvo e Ramón Folgar romperon con todos os rexistros e impuxéronse con contundencia aos seus rivais. Na clasificación por equipos masculina, Vagalume Enerxía terminou por diante de Ecosport e Desembraga a fondo II, mentres que na proba feminina, o primeiro chanzo do podio foi para o conxunto Como Cabras!. En equipos mixto, terminou en primeiro lugar o binomio Dani&Bea, seguido de Ana&Víctor e B&M Fontes.