Durante unha visita ás novas instalacións do Grupo Cuevas, no Polígono de San Cibrao das Viñas, Feijóo salientou que a posta en marcha desta canle xunto á colaboración de grandes distribuidoras, fixo posible trasladar produtos de proximidade ás baldas dos supermercados. Non en van, con esta iniciativa, a Xunta intermediou para que 282 marcas de bebidas; 175 produtos cárnicos; 63 produtos lácteos; 68 produtos de orixe, como castañas, cogomelos, patacas, cereais ou conservas; e 52 produtos doutro tipo como pan, mel, ovos, aceite e doces, ocuparan un espazo nas grandes superficies.
Feijóo pon en valor a rede Mercaproximidade que axudou a 640 marcas e produtos do sector primario a saír ao mercado durante a pandemia

