Remata a veda da sardiña para máis de 140 embarcacións do CERCO

O 1 de marzo marca o pistoletazo de saída da campaña da sardiña, que a partir de hoxe poden capturar as embarcacións de cerco, 148 delas galegas. De aquí ao 30 de novembro poderanse pescar 14.000 toneladas, fronte ás 19.000 que o ano pasado. E non son todos eses quilos para España. Debe repartilos con Portugal .
Agora ben, esa cantidade é «revisable á alza». Isto é, poderase exceder esa cota si as campañas científicas de primavera constatan unha recuperación da especie, que, segundo os científicos do ICES (Consello Internacional para a Exploración do Mar) que asesoran á Comisión, atópase en mínimos históricos.
Outra limitación imposta é a cantidade que se poderá capturar de aquí ao 31 de xullo: 10.000 toneladas. Así mesmo establécense uns topes mensuais de 750 toneladas para a sardiña capturada nas zonas VIIIc -de Fisterra ao País Vasco- e IXa -de Fisterra ao golfo de Cádiz -. Desa cantidade, 450 corresponderá aos barcos de cerco que operan no Cantábrico e 300 para a flota andaluza. Ademais, entre o Miño e o Bidasoa continuará vixente a limitación de 3.000 quilos por barco. Ademais, resérvanse 175 toneladas para as embarcacións do xeito.