Os recortes afectan a todos os sectores e tamén ó mundo do deporte, claro que a uns máis que a outros. Malia isto os pequenos clubs nos que hai grandes deportistas mantéñense a flote, e mesmo se superan cada día. Esta mañá visitamos o club de remo de Rianxo, que conta con 85 fichas federativas e un equipo senior competindo na liga LGTB. O seu presidente Ramón Vicente deu conta da situación do club e dos méritos dos seus deportistas.
O próximo 6 de marzo compiten os senior en Castro, na liga LGTB, os veteráns acudirán a chapela e os mais noviños do club desprazaranse a Celeiro, unha competición esta última que está no aire precisamente por falta de medios para o desprazamento.
Tamén as instalacións do club notan a baixada económica, a falta de axudas fai mella nelas, precisando arranxos importantes.
Malia isto dende o club dan as grazas a todos os que lle axudan a continuar adiante, e lograr exitos , como o que esperan do equipo senior, que intentan acceder á liga A.
Dende o club de remo rianxeiro apostan por facer unha base sólida da canteira, para que poidan competir a un alto nivel.
https://www.youtube.com/watch?v=x0mU7dfzBnU
