Tal e como estaba previsto, a Copa do Rei de Baloncesto que se disputará na cidade da Coruña a partir do vindeiro 18 de febreiro está en exposición no Centro Cultural Lustres Rivas.
O cobizado trofeo chegou ás 10 da mañá e será visitable ata as 20 horas de hoxe, cunha pausa entre as 14 e as 16 horas.
Foron moitos os que xa se achegaron a fotografarse coa copa, entre eles os concelleiros de Cultura e Xuventude e Deportes, Anxo Orellán e Fabiola García, que pasaron pola sala de usos múltiples ás 12 do mediodía.
Cómpre lembrar que todos aqueles que participen na #CopaTourCaixaBank e se fotografíen co trofeo terán a oportunidade de participar nun sorteo semanal que se celebrará a través de Twitter e que terá como premio material da marca deportiva Under Armour (provedor oficial da Copa del Rey) e nun sorteo final no que se poderán gañar dous abonos para a Copa, cortesía de CaixaBank, patrocinador principal da Copa do Rei A Coruña 2016 y da #CopaTourCaixaBank.
https://www.youtube.com/watch?v=_LwSR1gTGLo
