Luís Antonio Pérez Barral concelleiro do Bloque Nacionalista Galego vén de presentar unha proposición para o seu debate no pleno ordinario de xaneiro de 2016 onde solicitará do goberno local unha segunda sala de exposicións en Ribeira. Entre outras das súas peticións tamén se encontra trasladar a colección de traxe galego da colección de bonecas do Museo Municipal ao Museo Etnográfico de Artes. Habilitar o segundo andar do Museo Municipal de Ribeira como sala de usos múltiples e crear unha comisión cultural na que se integren artistas ribeirenses que o desexen, o persoal técnico do departamento municipal de cultura e representantes dos grupos políticos da Corporación Municipal. Esta comisión reunirase de maneira trimestral.
