O Auditorio Municipal de Riveira serviu esta mañá de escenario para a entrega de diplomas dos distintos obradoiros organizados polo Concello co fin de favorecer a conciliación nestas datas de Nadal.
Uns 150 nenos e nenas e moitos pais e nais asistiron a este acto, que tamén contou coa asistencia do alcalde, Manuel Ruiz, e da concelleira de Cultura, Fabiola García.
O acontecemento comezou cunha serie de actuacións musicais a cargo dos distintos grupos do Nadal Concilia para dar paso a continuación a entrega dos diplomas a estes rapaces e aos alumnos participantes no obradoiro de artes plásticas.
https://www.youtube.com/watch?v=3BJbmwxyNzA
