O Goberno dará axudas para a compra de coches de entre 800 e 5.500 euros

Os concesionarios ven de maneira moi positiva o «Plan de Impulso á cadea de valor da Industria da Automoción, cara a unha mobilidade Sostible e Conectada» anunciado onte polo Goberno Central e que inclúe 20 medidas de tipo económico, fiscal, normativo, loxístico, de competitividade, de formación e cualificación profesional, de compra pública sostible e de planificación estratéxica que dan cobertura a toda a cadea de valor da industria. Conta cun orzamento de 3.750 millóns de euros e inclúe medidas de impacto a curto prazo.