A Consellería do Mar pecha a campaña de captura da nécora e do santiaguiño a partir de mañá, 6 de xaneiro. O calendario aprobado no Plan Xeral de Explotación Marisqueira establece que a actividade de extracción da nécora estará pechada ata o día 1 de xullo e a do santiaguiño ata o 1 de outubro, datas nas que empezará a súa campaña extractiva.
O departamento que dirixe Rosa Quintana, persegue con esta medida técnica favorecer a reprodución e reducir o esforzo pesqueiro que soportan as poboacións destas especies na Comunidade Autónoma de Galicia.
Cabe destacar, sem embargo, quue os prezos do marisco se mantiveron altos ata a víspera de reis. A primeira parada da nécora foi a 41 euros e a segunda quedou en 40. A primeira da centola situouse en 27 e a segunda tan só baixou un par de euros rematando en 25.
O camarón segue con prezos desorbitados. A primeira parada foi a 140 euros e a segunda a 122.
