Sin categoría

Mar investirá 35.000 euros na colocación de 35 fingers para as embarcacións profesionais do porto da Pobra do Caramiñal

A Consellería do Mar, a través de Portos de Galicia levará a cabo a colocación de 35 fingers (elementos de amarre) de 5 metros nos pantaláns nos que atraca a frota profesional, no porto de A Pobra do Caramiñal. Esta actuación atende a unha demanda da confraría de pescadores e suporá un investimento de preto de 35.000 euros.
A colocación dos 35 fingers suporá unha mellora cara ao acceso ás embarcacións dos profesionais, e mellorarán ao mesmo tempo a seguridade dos usuarios ao facilitar ademais os labores de carga e descarga tanto dos aparrellos como da propia pesca.
Por outra banda, dentro das actuacións de mellora e mantemento das instalacións portuarias, foron reparadas as táboas danadas das cubertas e pasarelas dos dous pantaláns existentes. Esta reparación supuxo un investimento de máis de 4.000 euros, polo que o investimento total de ambas actuacións suporá uns 40.000 euros.

Salir de la versión móvil